Isaya 16 - Bible en Guidar

Mo'ab tay əkay əbbah na Yerusalem

¹ Məslən ndargayãk sən daya na dələv hã sə Sela də kapta-muyã, aka mossorgo nat waŋ na Siyon!

² Gorɗeŋge na Mo'ab wassoŋ va biŋgeɗ məzuveŋgeŋ səka gəla net ndeleŋ ama təki nakkaɗ ki Arnon.

³ Məzgə meŋ, məziwgin an naɗɗa. Zeŋgilok dəsan aka tataŋpay va dəfɗa, aɗemet ɗiy en dətrayaŋgə kədarban gəla ɗəf an dənzan əɗam ɓa.

⁴ Appet ɗiy na Mo'ab en dətrayaŋ dəssoŋgən anokda, asok təki nawɗam net viyit məzuzetin ɗiyi. An əsərma aslak mani, an əzəm təki aggrakka, ɗəf məzundapan alək faraɗa səka dəlva,

⁵ asna mazaŋga na məlĩ wasan ɓəl sən əɗɗa moggoni ɗəf təstəs zev Davit wasan akani, məsən ətawwəna, məzgə sləma aka təstəsə gəm məŋgəl an sarara.

Tay an Yerusalem adawɓap vi Mo'ab ɓa

⁶ Məprəmək əpel aka əɓaygənkiya na Mo'ab, aɓaygənək kiyən sawɓa, awla ɗəf va ɗəf azan ɓa, helze tay aman ɓa, gəm awba əpel ɓa.

⁷ Vini ɗiy na Mo'ab adawhəmaŋ aka ki zit tusso, adawhəmaŋ beymet ammba gəpa məpəpla na megezlembirke məs adaɗɗaŋ a Kir-Heres. Tay ənɗəsaŋgə, mekret assetke.

⁸ Guli na Hesbon akəlka, mbazla net megezlembirkeɗ na Sibma abeyik migil dəlva; megezlembirkeɗ tahəŋ rəɓrəɓ hã gap a Yazer tahəŋ əzzoŋ əbaymet a kapta-muyã, kivet tay əzzek hã balsən pehe na bətuwa.

⁹ Vini nədawhəm də sin sap dit ɗiy na Yazer aka wən net megezlembirkeɗ na Sibma. Wanəbokum dit sin nawa Hesbon gəm Eleyale: vi gəlya nawhor megezlembirke may nawpet aɓətək sə nokumda.

¹⁰ Ənnek metiŋgin azək səddəv guli net wəleŋɗe nokumu; a guli net megezlembirkeɗ nokum gəlya sən ənnek tay ɓa, vaŋvəl sən ənnek tay ɓa. Məɗot mbazla tay əɗotən a təki nawɗot mbazla ɓa, gəlya nawhor megezlembirke aɓətka.

¹¹ Vini zəga naddəvu pak adawhəm va gəzləŋtendəŋ ammba Mo'ab. Makraw tam əhəm ammba Kir-Heres.

¹² Kawlani Mo'ab iyan zən əmbat addivit gəleɗe-net-tuyeŋge vi kawmbat addəv gəla nakkam nani, ya tay an adawtər ɓa.

¹³ Aski an Daya anah far lahəŋ aka Mo'ab.

¹⁴ Yaŋ na, Daya apelik dawnəh na: addəv əzva hoku əvoŋ dəŋɗedəŋɗe na, kawzeleni gagdak na Mo'ab dit ɗiy nan diyɗaŋka. Ɗiy siɗikke dədappaŋgə, atəraŋ wəray ɓa.