Isaya 15 - Bible en Guidar

Əttəlan Mo'ab

¹ An məpelin aka Mo'ab. Aka dəfəɗ taka məzan Ar Mo'ab, məzani kakahə. Aka dəfəɗ taka məzan Kir Mo'ab məzani kakahə.

² Ɗiy addoŋguk addəv gəla net meŋgilveɗi a Dibon apeŋgeŋgik addəv gəleɗe net tuyeŋge vi kawhəm adaka; Mo'ab tay əska morkoyo ammba Nebo də Madaba, kiyit məfaɗən beymet də eŋgemet pakə.

³ Aket tiveɗ nani, ɗiy aguloŋguk lukutɗe na gəlabaya; aket gəleɗe məggba'aɗe gəm aka təki nakkal net ɗiy nan pakə, ɗiy tay əskaŋ morkoyo, tahəŋ də sin aret zlummo.

⁴ A Hesbon gəm a Eleyale, ɗiy tay əŋzlaŋ vaŋvəla, wəlet əprəm hã a Yahas. Vi aski kan məzəlpaŋ na Mo'ab adanzlaŋ vaŋvəla, mekret azlahka.

⁵ In tat əhəmgən Mo'ab a makrawa. Ɗiy nan tay ənzoŋ əɗam hã gap a So'ar, hã gap a Eglat-Selisiya. Vi də əhəm adawteŋgeŋ də təki ɗaggra'a na Luhit vi aka tive na Horonayim, ɗiy tahəŋ əhəmaŋ sənən əza.

⁶ Vi iŋkile na Nimrim akkpa'aŋka, kevile aŋkəlka kəvile meddəkan tir tay ɓa.

⁷ Arya an dəpələ, an məzaɓan pakə, tay əkanən faraɗa, balsən məlpa kekelguzlo.

⁸ Vaŋvəl agəɗək aka dələv na Mo'ab gboŋgu. Əhəm van tay əprəm hã gap Eglayim, hã gap a Ber-Elim.

⁹ Vi iŋkile na Dimon aknahaŋgək dit mbeli. Vasna wanəkə tatwãh maɓɓan a Dimon: Ɓoolu wasil sit ɗiy en dəppaŋ mederet na Mo'ab, en dəndəwəɗaŋ naka dələv nani.