Isaya 12 - Bible en Guidar

Əgagdakan Maŋgəlva məkõhgən ɗəfa

¹ Pay dəpaska wakənah na: wanəgagdoko Yawe; vi kədəkgədəv akawa yas kəppan ədagədəv noko, kəsɓawa.

² Aŋki Maŋgəlva nawkõh nawa; ammbani nəbay vawa, zəga tay nawgeslnegu ɓa. Vi Yawe, Yawe yi gbogboŋ gəm gagdak nawa; ndəni məkõhguwa.

³ Də ənneki kədawmbaɗaŋ iŋkile səddəv heret iŋkile miyma nawki əkõho.

⁴ Pay dəpaska, wakənahaŋ na: Məgagdakan Yawe, məlvani, mərban wəza gagdak nan aweleŋgit ɗiyi, məɗɗumon sit na iya nan metiŋgini.

⁵ Məlvan Yawe də gəlya, vi aɗɗek zəgeɗ gugriɗe. Mərbet aka dələv pakə!

⁶ Ɗiy na Siyon, mərban ənnek nokum, məŋgəsl vaŋvəl sən ənneke, vi Salala na Israyel metiŋgini yi, awalaŋkum.