Ibriɗe 2 - Bible en Guidar

Wəkoh meteŋgini

¹ Vi vaski, adahək məzgəgən sləma lewlew aka wən məs məprəmə ka mədamzlah ɓa.

² Vi an alabara məs maslayɗe akiyaŋ farəŋ agəɗək gesiŋ gəm an əzlah ki mahenziŋ də əggbak ma pak arahaŋgək ammba veti,

³ mbarmbari nam mədawkõh kan an məzək sləma aka əkõh metiŋgin məs Daya sən kiyən atəŋ ərbani, ɗiy məs dəprəmən aziwgin səmən wən nani,

⁴ məs Maŋgəlva asɓan əpel net də əɗɗa sekeneɗi, zəgeɗ naggət aketi gəm wəza na əɓap temtemi gəm də əvəl temtem na Zeŋgile Salala muɗeket va aza əŋgla nanəŋ ɓa di?

Ndəni dədawke ɗiy addəv əkõho

⁵ Vi dələv məs dədazzan mədawpel akanəŋka, Maŋgəlva dəppan ammba vet maslayɗe ɓa.

⁶ Tay ənah addəv dərban maɓɓan na: Miy ɗəf titir hara kəɗɗumgən akan di? Mãy zev ɗəf titir hara nazlga sləma akan di?

⁷ Kəgəsanək pay siɗikke azet maslayɗe, kəpsənək gagdak də memetiŋge.

⁸ Kəɗiyək zəga pak ammba təlni. Də əɗi zəga pak ammba təlni, zəga tay məs dəsan ammba tələn ɓa ɓa. Ya məɓəl ula ɗəf dawzəm məlĩ aket zəgeɗ van pak tagay ɓa.

⁹ Ya mulak va Maŋgəlva agəsan Yesu ammba tilit maslayɗe pay siɗikke, Yesu arahək gagdak də wəɗi kiya, vi tatwãh məs azəm də əmta nani. Vasna də mbəlembəle na Maŋgəlva yi amtə viyit ɗiy pakə.

¹⁰ Vi lewi aza məs dəzəməɗ gəm məs dədawga zəga pak nawke kirtin diyɗa dətoŋgoŋgən addəv gagdaka, dəssoŋgən gərrak də əzəmsãhã na məs dəki sit əkõh neti.

¹¹ Vi Yesu, məs dəskoɓ mambray net ɗiyi dit ɗiy məs məskoɓ mambray net van pak akkpaŋgaŋgək Afit taka. Vini wil dədanən dawyet na milmiŋgiɗwa ɓa.

¹² Va anah sən Maŋgəlva na: «Wanəpel wənok azet milmiŋgiɗwa, wanəya gəlyanalva awalaŋ wəkkal net ɗiy pakə.»

¹³ Gəm anah əmpa na: Akan nəɗi əɗɗum nawa. Gəm əmpa na: In yakəŋkə, in dit kirin məs Maŋgəlva avayə.

¹⁴ Kirin net tahəŋ də gəɓa ziti dit mbeli, ndəni kan Yesu asan va ndəɗaŋ, agəmək gəɓa zə ɗəf va neti, aɗɗa vasna, vi də əmta nani adawzan ɗəf an də gbogboŋ aka əmta, ndəni Satan.

¹⁵ Vi kawkõhgit ɗiy mes dəssoŋ belemɗe sən geslne na əmta addəv pay nanziya na zeŋgilet pakə.

¹⁶ Sesseli, anet maslayɗe ade əbbah sit ɓa, ya kirtin Abraham ade əbbah siti.

¹⁷ Ndəni, aslək dəgilgən va milmiŋgiɗin addəv zəga pakə, vi dəsangən də ulasahã, daya net məsdəlveŋge də gegesiŋ addəv wəza nan aba Maŋgəlva pakə, vi kavvuyon mambray net ɗiyi.

¹⁸ Kakaŋ na waɓap əbbah sit ɗiy məs naddəv wəraka, vi nan pak mərakani azəmək sahã.