Hose'a 3 - Bible en Guidar

Əsla an nazani

¹ Yawe aɓsu əmpa na: «Dok, əmpa, aŋgləwət guluk məs ɗəf aŋgəl ŋgəle'sa kəŋkə, məppan zət sən polkoyoŋka: vi vaski əŋgla na Yawe viyit mə Israyelɗe dəka net tay əkkpaŋgaŋ azet meŋgilveɗ meɓɓeti gəm əŋglaŋ məpəpla net kirtin megezlembirke.»

² Nəbastək ka naw də təbəz babar kəlaw kiyən sle'i gəm haykəmari pepreŋ sak sula də mani.

³ Yaŋ nəɓsət na: «Kəsokgən ka nawa, kədaɗɗa polkoyo ɓa, kədawsok də ɗəf ɓa. Naw pak vas nədawsaw suko.»

⁴ Vi mə Israyelɗe wassoŋ əzva diyɗa məza məlĩ ɓa, məza ɗəf daya ɓa, məza əzaɓ-Maŋgəlva ɓa, məza serek ɓa, məza lukut na wəza na daya net məsdəlveŋge ɓa may terafim ɓa.

⁵ Dərɓaga asna, mə Israyelɗe wamndoŋ wakayanən Yawe Maŋgəlva neti, gəm Davit məlĩ neti. Abe na, wakkpaŋgaŋ də əkker aza Yawe də moggon nani.