Gəlyaɗe 99 - Bible en Guidar

Daya məlĩ yi, ndəni kaka' Maŋgəlva təstəsə

¹ Yawe tay əzəm məlyã: Ɗiy dəkkereŋgi! Aket kerubaɗe asani: dəlvafuŋ tay əkkere!

² Yawe metiŋgini a Siyon, tay aket ɗiy pakə.

³ Dətibirenən iya nok metiŋgin nawgeslne' səni! Nan salala yi!

⁴ Gbogboŋ na məlĩ na, əŋglu zəga də tiveni. Istə kəsɓan əssa təstəsə. Istə kəɗɗa ədaw sarra də təstəs a Israyel:

⁵ Məɗi ki Yawe Maŋgəlva namə, məppu' aba təki nawɗi tələn! Nan salala yi!

⁶ Moyis də Aron, aret məsdəlveŋge nani, gəm Samiyel aret miyaŋ iya nani, tahəŋ iyanən iya na Yawe, ndən əzlan siti.

⁷ Addəv slaybuwən adawpel siti. Azbanənək an aŋgələ, gəm əsərəkɗe en apsiti.

⁸ Yawe, Maŋgəlva namə, istə kəzlan siti, Kəsok sitik lahəŋ Maŋgəlva məgəɗ məssawdi, ya kəmpələkkiya aka əɗɗa neti.

⁹ Məɗi ki Yawe Maŋgəlva namə; məppu' aba mossorgo metiŋ nan an salala, vi Yawe Maŋgəlva nam salala yi!