Gəlyaɗe 97 - Bible en Guidar

Daya məlĩ yi

¹ Yawe məlĩ yi. Dəlvafuŋ dənneki, mətəwəraɗe diyɗa dənnekenin ziti!

² Guzli də slaybuwən gbigbim asərətənka; təstəs də gesiŋ ndəɗaŋgə gabba mazaŋga na məlĩ nani.

³ Offo tay ədaw abani, tay əzim məzuseɓɗe nan dətərwəsləni.

⁴ Əwiɗ nan akkeɓe'ik dələv gboŋgu; dəlvafuŋ awlaka, akkerke;

⁵ Va timbe mossorgoɗe gugriɗ awwereŋ aba Yawe, aba Daya naka dəlvafuŋ gboŋgu.

⁶ Disiŋ arbanək təstəs nani, ɗiy pak awlanənək gagdak nani:

⁷ «Məgagdeketin zəgakamaŋgəlva pak dərban wili, məzukaɓaŋ dit meŋgilveɗ ɗar pak wil areti; meŋgilveɗ pak tay əppu'oŋ abani!»

⁸ Siyon aprəməka, annekke; walaŋgəleɗe gugriɗ na Yuda tahəŋ əpepɗekəŋ aka ətawwən nok temtemi Yawe!

⁹ Vi istə Yawe, Məsəɗəɗə naka dəlvafuŋ pakə, məzəm məlĩ hã sə disiŋ aket meŋgilveɗ pakə.

¹⁰ Mənokum məs kəŋglunən Yawe, mizel mbərayni. Tay əga zeŋgilet məzbanən mani, də wəkõhgit səvet məsdarawɗe.

¹¹ Əkeɗeɗe tay əkekeɓe' vi ɗəf təstəsə; ənnek tay viyit ɗiy en mekret barə.

¹² Ɗiy təstəsə, mənneken zukum vi Yawe, mətibiren də wəɗɗumon salala nani.