Gəlyaɗe 96 - Bible en Guidar

Gəlya meleketen sən Daya məzəzzani

¹ Miyə gəlya meleketen sən Yawe, dəlvafuŋ gboŋgu, miyə gəlya sən Yawe;

² Miyə gəlya sən Yawe, məgagdakan iya nani! Mərban wən nawkõh nan ɗayɗayə;

³ Mərban gagdak nan aweleŋgit ɗiy-ɗarə, sekeneɗ nan aweleŋgit ɗiy pakə!

⁴ Vi Yawe metiŋgi, nawgagdakani diyɗa, adahək nawgeslne' səni, adayək kiyit meŋgilveɗi pakə.

⁵ Meŋgilveɗ net ɗiy-ɗar pak zəgeɗ ɗarəŋ, Yawe yi dəɗɗa disiŋ.

⁶ Gagdak də əwiɗ tay abani, gbogboŋ də wənnek a təki nan salalaŋgə.

⁷ Mənokum ɗiy pakə, məɗi ki Yawe, mərban gagdak gəm gbogboŋ na Yawe;

⁸ Məgagdakan iya na Yawe. Məki əvəl nokum, mətoŋ a daŋgla nani;

⁹ Məppu' afuŋ aba Yawe, aka salala nan adarban zəni; məkker abani mənokum nammba dələv pakə.

¹⁰ Mənah awalaŋgit ɗiy-ɗar pak na: «Yawe məlĩ yi. Ha'aw, ndəni dəziwgin dəlvafuŋ, aɓəl na ɓa. Ndəni məzətawwən net ɗiy də təstəsə.»

¹¹ Disiŋ anneken zuko, dəlvafuŋ apepɗeki, pehe dit zəgeɗ naddəvən dəbayaŋ gagay!

¹² Muyã pak dənnek dit zəgeɗ naddəvni, wəleŋɗe rəɓ pak dəŋzlaŋ vaŋvəl sən ənneke,

¹³ aba Yawe, vi tay əzzani, vi tay əzzan ətawwən aka dəlvafuŋ. Watawwən aka dəlvafuŋ də təstəsə, gəm aket ɗiy də moggon nani.