Gəlyaɗe 95 - Bible en Guidar

Pay nawziw aba Yawe

¹ Məde! Məŋgəzl səm vaŋvəl nannek sən Yawe, mətibiren səm milɓe nawkõh namə;

² Mədam aban də wəfet akani, mətibiren səm dit gəlyeɗe nalva.

³ Vi Yawe Maŋgəlva metiŋgini, məlĩ metiŋgin aket meŋgilveɗ pakə.

⁴ Kpukpum na dəlvafuŋ avani; dadwar kiyit mossorgoɗe gugriɗ nanəŋgə.

⁵ Pehe nani, ndəni dəɗɗa, dəlvafuŋ van dəzəməɗa!

⁶ Mide! Məppu'gəni, məɓe'gəni; məgdukgən aba Yawe, məs dəzəməɗmə!

⁷ Vi Maŋgəlva nami; mənamtə ɗiy en adawtaɗa, gazlaŋ məs adawga. An kəprəmənək wəlan pay dəpaŋka!

⁸ Kədaɓɓəlanən mokrokum va a Meriba, va pay na Masa a kapta-muyã ɓa,

⁹ adaki efiŋgiɗkum asləwəni asləwənka də awlanən wəza naw pak dayday.

¹⁰ Wəzva kaklaw poɗo, sayit ɗiyəŋ azla su makrawa, yaŋ nəmna: «Ɗiy məsmaɗɗulet dəzə əŋgə; dəsənnin tiveɗ naw ɓa.»

¹¹ Yaŋ nəsway addivit herɗe nawa: «Owwo, atoŋgoŋ na a təki naffet naw ɓa!»