Gəlyaɗe 92 - Bible en Guidar

Lewi əɗi ki Yawe

¹ Gəlyanalva, gəlya na pay naffete.

² Lewi əɗi ki Yawe gəm əlvan iya noko Məsəɗəɗə!

³ Karban ulasahã nok də mompumo, gəm moggon nok də dəfɗa,

⁴ də zəga nasmay də helegen kəlawə, də ɓaɓəlma gaŋgara gəm gəzləŋtəndəŋ.

⁵ Vi əɗɗa nok annekenək zuwa Yawe! In tat əɗɗəla də wənnek sən wəza na voko.

⁶ Yawe, wəzeɗe nok guriɗiŋ sawɓa, əɗɗum nok kpumi!

⁷ Ɗəf məs maɗɗulan gbeslsle asən na ɓa, məs kiyən tay ɓa aprimna zəgeɗ vet ɓa.

⁸ An məsdarawɗe tahəŋ əgilyoŋ va kiste, an məɗɗaŋ mbərayən pak tay əffiyoŋgu, ammba kawzaŋ kuɗupi yi.

⁹ Ya nok a disiŋ adak na, Yawe kənan hã faɗə.

¹⁰ Net məzuzelɗe nok yaŋ na Yawe! Məzuzelɗe nok wazaŋ yaŋka, məɗɗaŋ mbərayən pak watərayaŋgə.

¹¹ Kəvayək gbogboŋ va na təgənə, in tat əslslay ara mẽl meleketeni.

¹² Haraw wawla əza net məzutaŋgalwəni; də an net məsdarawɗe dədawgilguwəni, sləmaw waprəm əhəm neti.

¹³ Ɗəf təstəs tay əgilyen va gogozlo, tay əɓay va wəlaŋga ɓəɓəl na Liban.

¹⁴ Məmpet addəv gəla na Yawe, əndufoŋ a daŋgla na Maŋgəlva nam da.

¹⁵ Məgelit dayday na, tay əwaŋgə'e, tahəŋ va wəleŋɗe məgdəket hizliwhizliwi,

¹⁶ vi karban na, Yawe təstəsə: «Milɓe nawi! Vurum tay azan ɓa!»