Gəlyaɗe 86 - Bible en Guidar

Addəv tatwãh nawa, anok nədawya

1 Wəkkam na Davit.

¹ Wəkkam na Davit. Yawe apak sləmoko, azlan suwa, vi məssahã gəm məzuray nani.

² Ataɗwa, vi in tat əprəm moko. Is Maŋgəlva nawa, akõhgən gawla nok məs dəɗi əɗɗum nan akoko.

³ Awla sasãhwa, Yawe, anok nədawya pay pakə.

⁴ Anneken zə gawla noko Yawe, vi azok nəbay zuwa.

⁵ Daya, vi istə moggoko, məvvuyon mambraya, moggon nok diyɗay aket məzuyukuni,

⁶ apak sləmok ammba əkkam nawa Yawe! Aprəm wəlaw dəppu'o!

⁷ Pay na tatwãh nawa, in tat iyuko, vi is tat əzlan suwa.

⁸ Tay va is səret meŋgilveɗ ɓa, Daya! Tay nawsla də wəza nok ɓa.

⁹ Ɗiy en kəgəɗ pak wazzoŋ əppu' aboko Yawe, wagagdakanən iya noko.

¹⁰ Vi matuŋguk kənani, is tat əɗɗa sekeneɗi, istə kaka' Maŋgəlva!

¹¹ Yawe, arban su tive noko, nədawgən va gesiŋ noko. Avay makra moggoni vi dəgeslne' səngən iya noko.

¹² Daya, Maŋgəlva nawa, wanəɗi kiyuk də makraw paparə, wanəgagdakan iya nok hã faɗə,

¹³ vi moggon nok metiŋgini azawa, kəkõhguwək səddəv kpukpum na təki nanziya net mimtiti.

¹⁴ Maŋgəlva! Məsfərkeɗ asilyoŋguk akawa, əsap net məsdarawɗe tay əkay əzawa; awlukun va zəga ɓa.

¹⁵ Ya Daya Maŋgəlva na, muwəl sasãhĩ, məgəɗ mbəlembəle, awdagədəv go' ɓa, məgəɗ moggoni gəm gegesiŋ diyɗa yi,

¹⁶ akkpaŋ azawa; awlu sãhə, apsən gbogboŋ nok sən gawla noko, akõhgən wətət balamək noko.

¹⁷ Agəɗ zəga narban moggon də ina, vasna məzuzelewən wawlanni, wil wadenni vi is Yawe kəbbah suka, gəm kəffeten suwək makrawa.