Gəlyaɗe 81 - Bible en Guidar

Ɗiy tay əprəmnən maw ɓa

¹ Səza daya net məyaŋgəlya, na Asaf məyan də gəzləŋtəndəŋ sə Gat.

² Məslan wəlokum də wənnek sən Maŋgəlva gbogboŋ namə, məɗɗəl sən Maŋgəlva na Yakob.

³ Məsmayə, məbay dəgla, koku dəɗəmə, də gəzləŋtəndəŋ.

⁴ Məffon gozloro aka təlaperi, aka təla məbabarən pay na wəzləra namə.

⁵ Vi aski əsərək na Israyel, tivenanziya an Maŋgəlva na Yakob agəmi yi,

⁶ tive nazba aɗi sən Yosef gala agil əgay də dələv na Eziptə: In tat əprəm əpel məza nəsən ɓa;

⁷ niprikgənək zəga nawsla səkki vani, van atehgənək kekele.

⁸ Kəŋgəzlək vaŋvəl pay nawzəm sahã, nəbitkuko, nəzlan sukuk də mahaɗamma na əhãy na buna; nəslukuk a met iŋkile na Meriba. Əziwe

⁹ Ɗiy nawa məprəma, wanəssak suko! Israyel, va is tat əprəmu na,

¹⁰ maŋgəlva molhõyõ adawsan anokda ɓa, kədappu' aba maŋgəlva məza məsənni ɓa ɓa.

¹¹ Intə, Yawe Maŋgəlva noko, məs dəgilguk səka dələv na Eziptə. Ahã' moko, nəknəhgəni!

¹² Ya ɗiy naw dəprəmnən maw ɓa, Israyel man tay akaw ɓa,

¹³ nəppetik addoŋ də mekret ɓərəsɓərəsə: dəzbanən va mekret aɗɗumu!

¹⁴ Va ɗiy naw aprəmwəni, va Israyel tay əzban tive nawa,

¹⁵ də kakara nədawvoŋgən kiyit məzuzelɗe net kəta, wanəslan vaw aket məzuseɓɗe neti.

¹⁶ Mezuzelenən Yawe, walefenəni, ya Israyel wassan addəv pay moggon hã faɗə.

¹⁷ Wazəmgən Israyel də gəpa kukuɗo, gəm də seɓe na amama nədawban kəta.