Gəlyaɗe 8 - Bible en Guidar

Gagdak na Maŋgəlva də mẽmẽtiŋ na ɗəfa

¹ Səza daya net məyaŋgəlya, ammba gəzleŋtəndəŋ na mə Gat. Gəlyanalva na Davit.

² Yawe, Daya namə, Iya nok dəsan metiŋgin aka dələv gboŋgu! Gagdak na məlĩ nok tay balsən disiŋ!

³ Də met kirin memeɗeŋɗe dit mezuwaɗaŋ, kədawtak met məzuseɓɗe noko, kawɓətgən məzuzel nok məmpəlkiya.

⁴ An in tat ula disiŋ noko, wəza na voko, təla dit ngərzleɗ kəziwgiti,

⁵ ɗəf miy agap hara kəɗɗumongəni, may ɗəf titir hara kəzgəgən sləma akan di?

⁶ Siɗikke dəmbər kəɗɗa nawsla kivan də Maŋgəlva: kəpsənək gagdak də memetiŋge;

⁷ kəɗiyək əzəm məlĩ aket zəgeɗ na voko; kəɗiyək zəga pak ammba təlni:

⁸ gilewi gəm wasliɗe pakə dit sluɗe nawra dayday,

⁹ biŋgəɗi, kilfeŋge, zəgeɗ mederet naret iŋkile va assoŋgu.

¹⁰ Yawe, Daya namə, iya nok gagdaki aka dələv gboŋgu!