Gəlyaɗe 76 - Bible en Guidar

Maŋgəlva napsən əskawəla sən ɗəfa

¹ Səza daya net məyaŋgəlya, dit zəgeɗ nasmay məs helegeti. Gəlyanalva na Asaf, gəlya.

² Maŋgəlva arbanək zən a Yuda; iya nan metiŋgini a Israyel.

³ Gizlirke nan a Salem məmpani, a Siyon gi yi təki nassa nani.

⁴ Adaki aŋzliw bəleɗe, aŋgrof barayɗe, aŋzlu masalam gəm atak əlpa. Əziwe

⁵ Is tat iwiɗe, gədak kənan, daykiyit mossorgoɗe gugriɗ hã sete!

⁶ Məmõhẽti məs mekreti, amtaŋgək baymeti, ɗiy məs mekretis azetinik zəgeɗ net pakə.

⁷ Aka wəhãy noko, Maŋgəlva na Yakob, mawteɗ dit pilseŋge net pak azaŋka.

⁸ Istə kədah nawgeslne' suko, naway nawziw abok pay ədagədəv nok di?

⁹ Sə disiŋ kədaprəman ətawwən noko; dəlvafuŋ tay əgeslne'e, asanək ɓatə,

¹⁰ pay Maŋgəlva asil nawtawwəna, kawkõhgit məsər met naka dəlvafuŋ pakə. Əziwe

¹¹ Məsdarawɗe diyɗa dayday wagagdokokuni; en dəppaŋ addəv ədagədəva, wagulon lukut na gəlabaya.

¹² Miynan mokum aba Maŋgəlva, məknahan an kiynaŋ sən Yawe Maŋgəlva nokum vani; mənokum məs kəkaraŋ kiynəŋ pakə, məki sən əvəl sən an dədah nawgeslne' səni.

¹³ Tay əddakan mekret deyeɗe, tay əzlahgən mekret milyeŋge naka dəlvafuŋ.