Gəlyaɗe 72 - Bible en Guidar

Wəkkam vi məlyã

1 Na Salomoŋ.

¹ Na Salomoŋ. Maŋgəlva, apsən ətawwən sən məlĩ va noko, gəm əɗɗa təstəs sən wətən məlĩ va noko.

² Dədawgitgin ɗiy nok də təstəsə, gəm məssẽheŋɗe nok va aza ətawwəna.

³ Mossorgoɗe gugriɗ wakiyaŋ zazay sit ɗiyi, mossorgoɗe tam əzaɓ sit ɗiyi!

⁴ Dətaw sitgən wən də tiven sit məssehẽŋɗe nammbet ɗiyi, dəkõhgitgən məzurayɗe, dəmmusgən məsər met ɗiyi!

⁵ Va pay də təla assoŋ pakə ɗiy dəgeslne'eŋ sukungən hã faɗə!

⁶ Waprik va maŋgalaw aka kevile, va buwən dədalɓan dəlvafuŋ!

⁷ Pay əzəm məlĩ nani, ɗəf təstəs wandufu, zazay wasan diyɗa, hã təla mbo'u!

⁸ Dəsan məlĩ aka pehe hã aka pehe, təŋ səka məlpa hã təki dələv abaymani

⁹ Ɗiy na kapta-muyã wagdukoŋ abani, məzuzelɗe nan watarna'aŋ burɗuku.

¹⁰ Milyeŋge na Tarsis gəm naket mətəwəraɗe wakiyaŋ əvəla; milyeŋge na Saba gəm na Seva, wakiynən nzalaka neti.

¹¹ Milyeŋge pak wappu'oŋ abani, ɗiy-ɗar beymet waɗɗaŋ sənən wəza.

¹² Vi wabit məzuray dəhəm nawrəh ətəra, gəm məssãhã məza məbbaha nan ɓa.

¹³ Wawla sasãh ɗəf məddakən də məssahã; wakõhgən zeŋgilet məzurayɗe:

¹⁴ Watir səma əsərma gəm gagayə, zeŋgilet wasan də sləma ama harani.

¹⁵ Wasan madaran hã faɗə! Kapsəni meleŋge na Saba, kakkami ammban məza wəya ɓa, kawɓuh səni ma pay pakə!

¹⁶ Haykəmari dəsan ndoɗoɗ-ndoɗoɗ aka dəlva, kiyən dəsan slakat-slakat aket mossorgoɗe gugriɗe va a Liban, ɗiy na walaŋgəla-metiŋ dəssoŋ mogget va kevile naka dəlvafuŋgu.

¹⁷ Sləman dəgil hã faɗə, dəgilgən va paya, naway pak dəɓuh səngən ma sən ɗəf maɓɓan də iya nani, ɗiy naka dələv pak wanahaŋ na, azaɓka.

¹⁸ Soko sən Yawe Maŋgəlva, Maŋgəlva na Israyel, ndəni yi məgəɗ sekene kaka'ə!

¹⁹ Soko sən iya nan gagdak hã faɗə! Dələv pak dəknah də gagdak nani! Dəsan vaska. Dəsan vaska!

²⁰ Əbayma əkkam na Davit, wətən Yesse.