Gəlyaɗe 67 - Bible en Guidar

Ɗiy pak dəɗinən kiyko

¹ Səza daya net məyaŋgəlya. Miyaŋ dit zəgeɗ nasmay məs helegeti. Gəlyanalva. Gəlya.

² Kəta Maŋgəlva dəzi haran akamə, dəzaɓamə! Kəta haran dəkekeɓe' akamə. Əziwe

³ Vi kawsən tive nok aka dəlvafuŋ, gəm ɗiy-ɗar pak dəsənəngən əkõh noko.

⁴ Ɗiy dəfeteŋ akoko, Maŋgəlva! Ɗiy dəfeteŋ akoko, ndəɗaŋ pakgiti!

⁵ Ɗiy pak dənnekenən ziti, dəŋzlaŋ vaŋvəl sən ənneke, vi is tat ətawwən aket ɗiy də tiveni, gəm is tat ədaw abet ɗiy naka dələv pakə. Əziwe

⁶ Ɗiy dəfeteŋ akoko, Maŋgəlva! Ɗiy dəfeteŋ akoko, ndəɗaŋ pakgiti!

⁷ Dəlvafuŋ aɗɗak zəga na mabardaw: Maŋgəlva namə, Maŋgəlva nam azaɓaməka.

⁸ Maŋgəlva azaɓamka, dələvafuŋ gboŋ dəgeslne' səni!