Gəlyaɗe 64 - Bible en Guidar

An hərzlum tolyõkɗe adawrahaŋgə

¹ Səza daya net məyaŋgəlya. Gəlyanalva na Davit.

² Maŋgəlva, aprəm əhəm nawa. Aga zeŋgilew səva məzuzel məzlahgən makrawa;

³ Aɗamaw faraɗa səza wən mətuvuro net məɗɗaŋ mambraya, faraɗa səza gogoyo net məɗɗaŋ ɗarɗarə.

⁴ Atakaɗanənək hərzlumit va masalam, wəpel net tərãh va har məs aɗiyaŋ aka uho'.

⁵ Kawhõn ɗəf an təstəs də mahaɗamma, tay əhõnən girziki, awgeslne'eŋ ɓa.

⁶ Tahəŋ əsoknən zit aza əhẽw wəna, zit zaɓ inslin bizwil də haɗamma də wənahaŋ na naway nawlet di?

⁷ Tahəŋ əsapanən met aka mbərayni: «Məzaɓanək wən nam lewlewi: makra ɗəf hədəki addəvən.»

⁸ Maŋgəlva ahõtik midigirzike, har nan aɗiyək vaŋvi azeti.

⁹ Hərzlumit dəkkpaŋ aketi. Ɗəf dule pak ndən əɓlan kiyən,

¹⁰ ɗiy pak tahəŋ əgeslne'eŋgi, tahəŋ əbbalanən an Maŋgəlva agəɗə, waprəmnən gabba wəza nani.

¹¹ Ɗəf təstəs pak dənnek də Yawe dəɗam azani, məs mekret bar pak dənnekeŋ dəndəni!