Gəlyaɗe 63 - Bible en Guidar

Moggon nok dayki zeŋgile yi

¹ Gəlyanalva na Davit pay asan a kapta-muyã na Yuda.

² Maŋgəlva, Maŋgəlva naw kənani, in tat əkayoko, maw təpa' təpa'ə. Megenegenew hoɗhoɗi yi ammboko, aka dələv mukuro, məklakan ŋgbãyŋgbãy məza iŋkile ɓa.

³ Nəziyək haraw akok addəv gəla noko, vi kawla gbogboŋ nok də gagdak noko.

⁴ Vi moggon nok adayək ki zeŋgile, metteɓ maw walvoko,

⁵ vaski wanəfet akok pay ənziya naw egge pakə; aka iya noko, wanəslan vaw kəlazok əkkomoko.

⁶ Magenegenew wabə va də səlhã gəm də afunufunu. Metteɓ maw wanneki, maw wayə gəlya də wəlvoko.

⁷ An in tat əɗɗumok aka zəga nawvoŋ nawa; in tat ənziya aka əkkamoko:

⁸ Vi məzəbbah naw kənani, ammba zeŋgile na perslekok nədanneken zuwa.

⁹ Də megenegenew pak nəzar azoko, də gbogboŋ nok kədawziwgu ɓəlɓələ.

¹⁰ Net dəmbataŋ a təki nawza, en məzukayanən zeŋgilew pakə; dəprikeŋ addəv kpukpum na dəlvafuŋ!

¹¹ Wabeynin də masalam, wassoŋ ka haran net wawayɗe.

¹² Məlĩ wanneken zən də Maŋgəlva! Naway dəsway də iya nan pak, waɓap əɗi kiyzəni; vi met muwaŋ wən wampə!