Gəlyaɗe 61 - Bible en Guidar

Maw aka əsaw addəv gəla nok pay pakə

¹ Səza daya net məyaŋgəlya. Miyan də zəga nasmay na Davit məs helegeni.

² Maŋgəlva, aprəm əhəm nawa, apak sləmok ammba əkkam nawa.

³ Sə metteɓ ma dəlvi nədawyuk pay makraw adawzlaha. Kəkugən aka milɓe məɓayən dayə.

⁴ Təki nawɗam naw kənani, gəla məɓayən nawtəru səva məzuzel naw kənani.

⁵ Maw aka əsaw hã faɗ addəv gizlirke noko gəm nərahgən əɗam a perslekoko. Əziwe

⁶ Vi is Maŋgəlva kəprəm an məs maw aynə, məzugeslne'eŋ sənən iya nok na, is tat əpsit hara ərəh nawray veti.

⁷ Apsən əvoŋ na məlĩ azani; əzva nan dəmbat va seyit ɗiy adawsani.

⁸ Kəta dəsan aka məlĩ aba Maŋgəlva hã faɗə; aɗɗa moggon də gegesiŋ nok dəganəngəni!

⁹ Vasna wanəlvan iya nok ka faɗə; nəknəhgən an maw aynə suk pay pakə.