Gəlyaɗe 54 - Bible en Guidar

Vaŋvəl na ɗəf məsərmani

¹ Səza daya net məyaŋgəlya. Dit zəgeɗ nawbay də helegeti. Əpel-məmyã'ən na Davit.

² Pay mə Zifɗe azzoŋgu, aɓsənən Sawlu na: «Davit tay haɗamma a aram.»

³ Aw Maŋgəlva akõhgu də iya noko; kətawgən wən akaw də gbogboŋ noko.

⁴ Aw Maŋgəlva, aprəm əkkam nawa, apak sləmok ammba əpel na mawa.

⁵ Molhõnyeɗ asilyoŋgək akawa, məsdarawɗe tahəŋ əkayanən zeŋgilewa. Awlanən Maŋgəlva azet ta'sa ɓa. Əziwe

⁶ Maŋgəlva yaŋ əzzan əbbah suwa. Daya tay aweleŋgit ɗiy məkaŋ wən ammbawa.

⁷ Amndan sit mambray net məzusekeɗwəni! Aɓətgit də moggon noko.

⁸ Də makraw taka nədawzaɓ suk Maŋgəlva; Yawe wanəɗi ki iya noko, vi moggoni:

⁹ Vi kəbitwək səka tatwãh pakə, haraw awlak ərba wil net məzuseɓɗe naw də əŋgreseti.