Gəlyaɗe 50 - Bible en Guidar

Maŋgəlva tay ərban zən kawtawwən nani

1 Gəlyanalva na Asaf.

¹ Gəlyanalva na Asaf. Yawe, Maŋgəlva net meŋgilveɗ apelke, ayak dəlvafuŋ, təŋ səmmba pay nampum hã gap ammba pay na moskoyo.

² Maŋgəlva tay əwiɗ sə Siyon, walaŋgəla-metiŋ lelewe.

³ «Maŋgəlva nam dəde, adawɓəta ɓa!» Offo tay ələkat təki səbani, barkataŋ tahəŋ kiyən tərwəslə.

⁴ Ayak disiŋ sə disiŋ gem dəlvafuŋ ka miziwweɗe vi kawtawwən aket ɗiy nani.

⁵ «Məkkelet su ɗiy nawa, məs diynaŋ wənmiyna də in də əzaɓ-Maŋgəlva!»

⁶ Disiŋ warban təstəs nani, vi Maŋgəlva yi mətawwəna! Əziwe

⁷ Məprəma ɗiy nawa, wanəpeli; Israyel, wanəpel akoko, intə Maŋgəlva, Maŋgəlva noko.

⁸ Aka əzaɓ-Maŋgəlva nok nədawhõyok ɓa, əvəl nawzla kurmbuɗuk nok tay tepelle abawa.

⁹ Nəgəm na medgeɗge sənokda ɓa, may murgoŋge sə gazlaŋ nok ɓa,

¹⁰ vi sluɗe nawra pak nawəŋgə gəm zəgeɗ memeyẽɗ naket mossorgoɗe gugriɗ məza aŋɗaŋ ɓa.

¹¹ Nəsinik biŋgeɗ naket mossorgo gugriɗ pakə, gəm sluɗe nawra pak nawəŋgə.

¹² An may aduka, nənah suk na sam ɓa, adan dələv gboŋ pak nawi dit zəgeɗ naddəvni.

¹³ Nawzəm slu net medgeɗgeɗe, awaniɓa nawsa mbel net murgoŋɗe sa?

¹⁴ Afet aka Maŋgəlva a gəla əzaɓ-Maŋgəlva, gəm aɗɗa an mok aynə sən Məsəɗəɗə.

¹⁵ Ayuwa an tatwãh aruhkuko, wanəkõhguko, wakəgagdakawa.

¹⁶ Maŋgəlva anah sən məsdaraw na: kawtər mi kədaŋɗet əsərəkɗe naw may ərma wənmiyna naw amok

¹⁷ is məzelen əzga' naw may məzgan əpel naw dərɓogokəŋ di?

¹⁸ An kəwələk məhãla, is zuk nek dəndəni; is zuk gasgas azet məkuwaŋ a gizbe.

¹⁹ Is mbagən mok əpel mbərayni, hərzlumuk tip aza uwawəna.

²⁰ Is ɗew əpel aka məlmuko, is əraygən iya na wətət moko!

²¹ Zəgeɗ kəgəɗiski, azok na wanəsaw ɓatɓat sa? Azok va is nan sa? Ya wanəhõyõko, wanəweɗ a mahorok weɗi.

²² Məprəm lewlewi, mənokum məzəzgətaŋ ki Maŋgəlva. Vi nədawpiwekum, ɗəf tay nawmõhkum ɓa.

²³ Məzaɓ-Maŋgəlva nawfet akaw tay əgagdakawa. Məzək sləma aka tive nani, wanərban sən əkõh na Maŋgəlva.