Gəlyaɗe 5 - Bible en Guidar

Əkkam na ɗəf məs mətafən ana Yawe da

¹ Səza daya net məyaŋgəlya, dit pozlorɗe. Gəlyanalva na Davit.

² Apak sləmok ammba əpel nawa, Yawe: aprəm ənɗəs nawa.

³ Azgə sləma aka nədayuk nabbaha, məlĩ nawa, Maŋgəlva nawa, vi anok nədakkomoko.

⁴ Yawe, də mompummo is tat əprəm wəlawa; də mompummo, in tat əsla zu viko, in tat əgani!

⁵ Vi Maŋgəlva mənneken zən də daraw kənan ɓa; mbərayən tay anokda ɓa,

⁶ məsfərkeɗ aziweŋ na a mahorok ɓa. Is tat əzel məɗɗaŋ zəga mbərayən pakə;

⁷ wakəzet muwaŋ tepelkeɗi. Məsvurum də məbay gəbaya, daryawəŋ ama hara Yawe.

⁸ Sən moggon nok diyɗa naw nədawtoŋ addəv gəla noko; wanəppu' aba gəla salala nok də geslne suko.

⁹ Yawe, adaw abaw də təstəs noko, viyit en dədawsekeɗwəni; aziwgin tive nok sarra abawa.

¹⁰ Zəga tay a met adawpeleŋ tektek ɓa, kpukpum na mekret aka wəzan ɗəfi kaka'ə; guyorguyor na wəlet tay va magamas viŋŋge, hərzlumit nawlefe.

¹¹ Maŋgəlva, arban sit na araygənənka! An aɗɗumoŋ naɗɗa pak wazlbe! Arɓehet aka əɓoŋ net diyɗaŋka, vi aɓoŋgoŋ akoko.

¹² Məs dəɗamaŋ azok pak wannekenin zit hã faɗə, waŋzlaŋ vaŋvəl nanneke; wakəzaɓ sit təki nawɗam aketi, en dəŋgluwnən iya nok waɗɗəlaŋ sən ənneke.

¹³ Yawe, istə kədawki əzaɓ aka ɗəf an təstəsə; is tat əzeŋ aran də moggon nok va baray metiŋgini.