Gəlyaɗe 48 - Bible en Guidar

Walaŋgəla-metiŋ na məlĩ metiŋ

¹ Gəlya. Gəlyanalva net kirtin Kore.

² Yawe metiŋgi yi, nawɗi kini diyɗa a walaŋgəla-metiŋ na Maŋgəlva namə, aka mossorgo metiŋ nan salala.

³ Mossorgo metiŋ lelew nawkaɓa, mənneken zə dələv gboŋgu; mossorgo metiŋ na Siyon a metteɓ ma tapaslay pay na kəla disiŋ, walaŋgəla-metiŋ na məlĩ metiŋ.

⁴ Addəvit gəleɗe na məlĩ a Siyon na, məsənni Maŋgəlva ka təki nawɗama.

⁵ Vi milyeŋge yeŋ aŋɗaŋgək va, addoŋguk sap əwaksən Siyon.

⁶ Adan awlanən vaska: aggətaŋka, mekret azlaka, anzoŋko.

⁷ Əkker armek doɓoso' va əssa na daway nat guluk pay nawwa.

⁸ Barkataŋ nammba pay nampumi gala adakrepet bəlayɗe na Tarsis.

⁹ Va məprəm adawpeleŋgi, vas mula a walaŋgəla-metiŋ na Yawe Məzuɓappak, a walaŋgəla-metiŋ na Maŋgəlva namə: Maŋgəlva waziwgən ɓəlɓəl hã faɗə. Əziwe

¹⁰ Maŋgəlva, mənam tat əɗɗumon moggon nok addəv gəla noko.

¹¹ Va iya noko Maŋgəlva, vaski əɗi kiyuk atəh dələv baymani; Vok dəzəŋ aknahək də təstəsə.

¹² Mossorgo metiŋ na Siyon tay ənneken zəni, walaŋgəleɗe gugriɗ na Yuda, tahəŋ əɗɗəlaŋ vi wətawwən nok temtemi!

¹³ Məsulək ki Siyon; mətərwəsla, məŋɗan əsulək nani.

¹⁴ Məsəŋgləkan zlava nani, mule gəleɗe na məlĩ nani, vi kəpelnəngən wən nan sən sayit ɗiy en nabe.

¹⁵ Vi aŋki Maŋgəlva, Maŋgəlva nam faɗə, na sete yi, ndəni nawdawgəm hã gap əmta.