Gəlyaɗe 47 - Bible en Guidar

Mərga vokum sən Daya, məlĩ metiŋ

¹ Səza daya net məyaŋgəlya. Gəlya net kirtin Kore, Gəlyanalva.

² Mərga vokum pakə ɗiyi, məɗikiy Maŋgəlva də wəɗɗəla, də wəlokum nanneke.

³ Vi Yawe, Maŋgəlva Məsəɗəɗə, nawgeslne' səni, məlĩ metiŋgi aka dələv gboŋgu.

⁴ Tay əɓegən kiyit ɗiy abamə, gəm əvoŋgit ɗiy-ɗar ammba təlmə.

⁵ Awelsəmək dələv nawray vamə, yaŋ na zəm nekki yi, mənam ɗiy na Yakob məs aŋgələ. Əziwe

⁶ Maŋgəlva əpeŋgik addəv əɗɗəla, Yawe tay əzzan də ɓaɓəlma gozloro.

⁷ Məlvan Maŋgəlva, məlvani! Məlvan məlĩ namə, məlvani!

⁸ Vi Maŋgəlva yi məlĩ naka dələv pakə. Məlvan də əpel-məmyã'ən.

⁹ Maŋgəlva tay əzəm məlĩ aket ɗiy-ɗarə, Maŋgəlva tay ɗewwe aka mazaŋga nan salala.

¹⁰ Milyeŋge net ɗiy asapaŋka: dit ɗiy na Maŋgəlva na Abraham. Vi barayɗe naka dəlvafuŋ na, na Maŋgəlva əŋgə, asilik a disiŋ ki zəga pakə.