Gəlyaɗe 46 - Bible en Guidar

Daya na dələv surmutuk tay də mənamə

¹ Seza daya net məyaŋgəlya; gəlya net kirtin Kore akat waŋ nadda ammba zile.

² Maŋgəlva təki nawɗam gəm gbogboŋ na miyi, əbbah pay na tatwãh paki yi.

³ Vini məgeslne' na an dələv tay əɓla may an mossorgoɗe gugriɗe tahəŋ əguguslu'oŋ addekit pehe ɓa,

⁴ an iŋkile net tay əbayaŋ gagay maslsla tay aketi, mossorgoɗe gugriɗ əɓlaŋ gəm əɓzlaŋgə. Əziwe

⁵ Məlpa dit məslereɗe nan tahəŋ ənnekenən zə walaŋgəla-metiŋ na Maŋgəlva, a təki salala nassa na Məsəɗəɗə.

⁶ Maŋgəlva tay addəvni, dəɓəl ɓa; Bapummo ləŋ, Maŋgəlva tay əbbah səni.

⁷ Dəlveŋge na guw aɓoŋgoŋko, kiyva net milyeŋge temtem akkereŋke, Maŋgəlva ahãyka, dəlvafuŋ awwerke.

⁸ Yawe Məzuɓappak tay də mənamə, təki nawɗam namə, ndəni Maŋgəlva na Yakob. Əziwe

⁹ Məddoŋ mula wəza na Yawe, əray məs aɗi aka dəlvafuŋ.

¹⁰ Aziwginik əgay səmmba dələv gboŋgu, aŋzluwək bəle nalpa, akployə̃k tulhõ, aɗi sitik offo sit mawteɗ nawgaya.

¹¹ «Məziwgən əgaya, məsən na, intə Maŋgəlva. Məday kiyu tay aket dəlveŋge na guw ɓa, məday kiyu tay aka dəlvafuŋ ɓa.»

¹² Yawe Məzuɓappak tay də mənamə. Təki nawɗam namə, ndəni Maŋgəlva na Yakob. Əziwe