Gəlyaɗe 43 - Bible en Guidar

¹ Atawwən nawa Maŋgəlva, atəru səvet ɗiy mbəreytiŋki. Apəlu səvet muwaŋ wən dit məɗɗaŋ mbərayni.

² Vi istə Maŋgəlva korgu nawa, vimi kəzgaw di? Vimi nədadaw na sahã addəv əsərma na məzuzel di?

³ Aslən əkeɗeɗe'e gəm gesiŋ noko. Dərban suwəngən tive, wagapguwən aka mossorgo metiŋ nok salala, gəm a təki nassa nok temtemi!

⁴ Wanəgap a matuya na Maŋgəlva, Maŋgəlva nannek zu diyɗa kənani. Wanəgəm gəzləŋtəndəŋ naw kalvoko Maŋgəlva, Maŋgəlva nawa!

⁵ Vimi nəsaw kurumsu'o in ənɗəs di? Aka Maŋgəlva nəɗi əɗɗum nawa vi wanətibiren əmpa, ndəni məkõhguwa, ndəni Maŋgəlva nawa.