Gəlyaɗe 41 - Bible en Guidar

Əkkam na ɗəf məsərmani

¹ Səza daya net məyaŋgəlya. Gəlyanalva na Davit.

² Ənneki aza ɗəf məzəɗɗum aka ɗəf məddakni! Pay na tatwãh na, Yawe wakõhgəni.

³ Yawe waga, waɗi madarani, wasan ɗəf də əzaɓ akan aka dəlva, appan na avet məzuzelɗe nan ɓa.

⁴ Yawe warma van addəv əzəmsahã nan aka zəga nawvoŋ nani, wambeɗ pay gbəgba' nani.

⁵ Naw nəmna: «Yawe awla sasãhwa, anzaɗwa; vi nəgəɗək mambray azoko.»

⁶ Məzuzelɗe naw tahəŋ əpeleŋ mbərayən akaw na: «Dewe adamta ka sləman dəzəgən di?»

⁷ An ɗəf adek uluwa, tay əɗɗum mbərayni; ndən əkkelet tepelkeɗi; ndən vit əbbalet appaka.

⁸ Məzuzelewən pak ətuvuroŋ wən sap akawa, tay əŋglaŋ suwən əraya:

⁹ «Wən daryaw adawpeleŋ akawa, adan tay ɗuffo asil na əmpa ɓa.»

¹⁰ Baynaw məs nəɗi əɗɗum naw akan daydayə, nədawzəm way naw dəndeni, akkpaŋgək akawa.

¹¹ Ya nok na Yawe, awla sasãhwa, asilguwa, nəɓapgən əmndagan siti.

¹² Aza aski nədawsənən na, is tat ənnek də iyna: məzuzel naw aŋgəzl na vaŋvəl naska wəla akaw ɓa.

¹³ Vi təstəs naw gəraki kədawziwguwa, kəɗiwək abok hã ka faɗə.

¹⁴ Soko sən Yawe Maŋgəlva na Israyel! Far na sete hã faɗə! Dəsan vaska! Dəsan vaska!