Gəlyaɗe 4 - Bible en Guidar

Maŋgəlva atakək ərka wən sən ɗəfa

¹ Səza daya net məyaŋgəlya, dit zəgeɗ naskəl məs helegeti. Gəlyanalva na Davit.

² An in tat iyuko, azlan suwa, Maŋgəlva təstəs nawa! Addəv əzəmsahã nawa, kəbbah suwəka; awla sasãhwa, aprəm əkkam nawa.

³ Mənokum ɗiyi, hã gap dewe kədappanən əzelenən gagdak naw ammba əŋgla net zəgeɗ ɗar də wəzbet tepelkeɗ di? Əziwe

⁴ Məsən na, Yawe awelik ɗəf an dəsən mani; an niyak Yawe, tay əprəmni.

⁵ Məkkeri, kədaɗɗaŋ mambray ɓa hara; məpel a mokrokum aka zəga nawvoŋ nokum, məssoŋ sləɓəkə. Əziwe

⁶ Məzaɓ-Maŋgəlva an təstəsə, məppan əɗɗum nokum aka Yawe.

⁷ Diyɗa məzunahaŋ na: «Naway nawvoŋgən səm makram di?» Yawe appar horok akamə!

⁸ Kəvayək ənnek a makraw dayki aka pay haykəmari də mbazla na meketepe net asan diyɗa.

⁹ Addəv zazay nədawvoŋgo gəm nədawleŋge, vi istə Yawe kaka' kədawɗiyu fendeŋgi.