Gəlyaɗe 39 - Bible en Guidar

Appaw nəffeti, ənziya egge gbeslsle yi

¹ Səza daya net məyaŋgəlya, səza Yedutun. Gəlyanalva na Davit.

² Nənahək na: «Anəga zu səza əɗɗa mambray də hərzlumwa, wanətər maw də gabaga an məsdaraw tay abawa.»

³ Nəsawək ɓatɓat məza əpel ɓa, nəsawək ɓatɓat faraɗa səza ənneke. Əzəm sahã naw adayka.

⁴ Makraw tay əzlu addəvwa, wərwər naw difdif va offo, yaŋ maw agilgin əpele.

⁵ Yawe, arban su pay nawbay mawa, gəm əvoŋ naw gbaŋgbari di nəsəngən na ənziya naw egge gbeslsle yi.

⁶ Va slosloprok na va ɗəfi, kəpsu əvoŋ nawa. Ənziya na zeŋgilew dəgap zəga abok ɓa. Ɗəf titir pak va hinzili ɗarə. Əziwe

⁷ Ɗəf tay va zeŋgile ɗarə; əgay nan pak səmyãy kaka'ə. Ndən əkkal zəga, dəsən ɗəf nawndan ɓa.

⁸ Ya kakaŋ mi nədawga di Daya? Səvoki əga nawa.

⁹ Abitu səza əɓoŋ naw pakə, kədakkpaŋgaw ka zəga nawrah na dərwa ɓa.

¹⁰ Nəmpanək mawa, nəkol na əmpa ɓa, vi istə kəɗɗa.

¹¹ Appan ərguwa, wanəbaymaw sən ərga na voko.

¹² Də əzga'i, kədawkol ki ɗəf aka mambraya; va məsuksləma kədarras an makran aŋgələ. Ɗəf titir səmyãy yi ɗarə. Əziwe

¹³ Aprəm əkkam nawa Yawe, apak slumok ammba iya naw nabbaha, kəsuk sləmok azet sin naw ɓa, vi va molhõyõ nan anokda, məzgəla nan va afiŋgiɗu pakə.

¹⁴ Kədawla azaw ɓa, zu dənnekgən tak ədda nawa, in tat əmpa ɓa.