Gəlyaɗe 36 - Bible en Guidar

Yawe azoki heret iŋkile miyma na zeŋgile

¹ Səza daya net məyaŋgəlya, Davit gawla na Yawe.

² Ətəlma daryaw na ɗəf məs dəsən Maŋgəlva ɓa tay əzzan akawa, geslne na Maŋgəlva tay ama haran ɓa.

³ Vi tay əɗi ki zən dayə, awla na heslepe nan ka dəzelgən ɓa.

⁴ Əpel na man pak mbərayni, əraki; appanək gabba əsla zən də əɗɗa moggoni.

⁵ Mbərayən adaɗɗum aka ɓərzləma nani, ndən əziw aka tive daryaw, azgan mbərayən ɓa.

⁶ Yawe, hã a disiŋgi moggon noko, ɓəɓəl nok apeŋgik hã aka slaybuwna.

⁷ Təstəs nok tay va mossorgoɗe gugriɗ na Maŋgəlva; ətawwən nok va vov mẽmẽtiŋ fətəkfətəkə. Yawe, is tat əkõhgit ɗiyi dit zəgeɗ memeyẽɗi.

⁸ Maŋgəlva moggon nok na sləma yi! Ɗəf titir ara zeŋgile na perslekok adawɗama.

⁹ Tahəŋ əbaŋ də waynabaya sənokda, iŋkile nenek na məlpa nok kədapsiti.

¹⁰ Avoki suwer zeŋgile asani, səza əkeɗeɗe noki yi, mədawla əkeɗeɗe'e.

¹¹ Azzeken moggon nok sit ɗiy en dəsənkuni, təstəs nok sit ɗiy en mekret barə.

¹² Kəta məɗi kiyzən adawɗi tələn anawda ɓa, kəta məsdarawɗe adarɓahaw ɓa!

¹³ Adaki məɗɗaŋ mbərayən askotoŋgu, məsleŋgiti piɗiwli', dəɓap əsilyoŋ ɓa.