Gəlyaɗe 34 - Bible en Guidar

Yawe akõhguwək səma geslne naw pakə

¹ Səza Davit. Gala adərwa'an zən ama hara Abimelek na, yas agəm ma gabbani, ndən mbatə.

² Wanəfet aka Yawe pay pakə, pay pak wəɗi kiyən a maw təpelle.

³ Də Yawe zu adannekke; ɗiy dəvoŋgənən kiyit waprəmnəni, wannekeŋgi:

⁴ Məɗi ki Yawe də iyna, məgagdakan səm iya nan sapə.

⁵ Nəkayanək Yawe, azlan suka, akõhguwək səma geslne naw pakə.

⁶ Məzulaŋ azan tahəŋ əwiɗeŋgi, wil adenin na ɓa.

⁷ Məssahã ahəmka: Yawe aprəməka, akõhgənək səma wəzəmsahã nan pakə.

⁸ Maslay aziyək dibirgidik nan kiyit məgeslne'eŋ sənən Yawe tərwəslə, tay əbitti.

⁹ Mənahi, mula va moggon na Yawe asani, Əzaɓi aza ɗəf məzuɗam azani!

¹⁰ Mənokum ɗiy nan salala məgeslne' sən Yawe, vi zəga tay nakkpap aket məgeslne'eŋ sənən ɓa.

¹¹ May warme kirtit ɓooliɗi, wassoŋ də wəray na zəga nawzəma net məkayanən Yawe hara na, zəga tay nakkpap aket ɓa.

¹² Mide kirni məprəmwa! Nəyagan sukumgən geslne na Yawe.

¹³ Naway məs man aka zeŋgile məs dəŋgəl ula pay nannek di?

¹⁴ Ataɗ hərzlumuk səza mbərayən, gəm metteɓ mok səza uwawəna.

¹⁵ Aɓaŋga' sən mbərayni, agəɗ moggoni, akayan zazaya, azbani!

¹⁶ Hara Yawe tay aket ɗiy en təstəsə, sləman tay pakka ammba əhəm net nabbah siti.

¹⁷ Hara Yawe tay totoŋtotoŋ aket məɗɗaŋ mbərayni vi kawzan sləmet səka dəlvafuŋ.

¹⁸ An ahəmaŋka, Yawe tay əprəm siti tay əkõhgit səma əzəmsahã net pakə.

¹⁹ Yawe tay go'o dit ɗiy məzəmaŋ sãhã, tay əkõhgit ɗiy məs zit baybayə.

²⁰ Tatwãhɗe tahəŋ diyɗa aka ɗəf an təstəsə, də as pak Yawe tay əbitin səddəvit pakə.

²¹ Tay əga sleŋsleŋɗe nan pakə, tay dəŋgəsl təttaka səret ɓa.

²² Mambray wabay məsdaraw zamə, məzelenən ɗəf təstəs wassoŋ də wən aketi.

²³ Yawe awbit zeŋgilet gewleɗ nani: ɗiy en dəɗamaŋ azan pak wən tay aket ɓa.