Gəlyaɗe 30 - Bible en Guidar

Yawe, kəmndan suwək zeŋgile

¹ Gəlya nawkol ma gəla: Gəlyanalva na Davit.

² In tat əɗi kiyko Yawe, vi kəsilguwəka; kənneken zit məzuzelɗe naw aka wən naw ɓa.

³ Yawe, Maŋgəlva nawa, nəhəm sukuk nabbah suwa, yaŋ kəmbəlguwa;

⁴ Yawe, kəgilguwək səddəv təki nanziya net mimtiti, kəmbəlguwəka, kəzargu faraɗa səzet məzəprikeŋ addəv magamasə.

⁵ Məlvan Yawe də gəlya, mənokum ɗiy nani, məɗi kiyən də əɗɗumon Sazlaksazlak nani:

⁶ Ədagədəv nan anziya ɓa, mbəlembəle nan na, tay hã ənziya egge gərakə. Də moskoy na, əhəm irslikirsliki, ya dəmpummo na, salalay sən ənneki.

⁷ Yaŋ naw nənah səka fendeŋge naw na: Zəga tay naɓlaw ɓa hã faɗə.

⁸ Yawe, də mbəlembəle noko, kəpsənək gbogboŋ sən mossorgo metiŋ nawa. Kəɗamanək horoko, nəttapka.

⁹ Yawe, nədawya nabbah suwa; Daya naw nədakkamani.

¹⁰ «Miy kədawrəh an nəmtəka, an nətoŋguk addəv vov di? Alogudum wafet akok sa? Warban moggon nok sa?

¹¹ Aprəmwa Yawe, awlu sãhə! Yawe, asok ka məzəbbah nawa!»

¹² Kəkkpaŋganək əska morkoyo naw ka wəskəla, akkpaŋgan lukut na gəlabay naw ka lukut na əzləra.

¹³ Vi megenegenew dəlvokgən məza əɓəta ɓa; Yawe, Maŋgəlva nawa, wanəɗi kiyuk hã faɗə.