Gəlyaɗe 3 - Bible en Guidar

Məzuzelɗe kiyən karkarə

¹ Gəlyanalva na Davit. Gala adanzan səba Absalom, wətəni.

² Yawe, məzuseɓɗe naw diyɗaŋ: diyɗaŋ en dədawsilyoŋ akawa,

³ diyɗaŋ məzupeleŋ akaw na: «Wəkõh nan tay aba Maŋgəlva ɓa!».

⁴ Nok baray naw kənan hara Yawe; gagdak naw kənani, is kədawsilgin kiywa.

⁵ Nəslanək wəlaw əya Yawe: yaŋ azlan su səka mossorgo metiŋ nan salala.

⁶ Naw in ɗufu, in leŋgi; in fəɗahə: vi Yawe tay əguwa.

⁷ Nəgeslne' sən na vanday net ɗiy dəkaraŋ kiyu kawgay də iynəŋ ɓa.

⁸ Asili Yawe akõhguwa, Maŋgəlva nawa! Vi kərgegin məzuzelɗe naw a tapasleyti, kəkkpãygən sleyit məsdarawɗe.

⁹ Wəkõh aza Yawe yi, wəzaɓ nok dəsan aket ɗiy noko! Əziwe