Gəlyaɗe 29 - Bible en Guidar

Wəla Yawe

1 Gəlyanalva na Davit.

¹ Gəlyanalva na Davit. Meŋgilveɗi məɗi ki Yawe, məɗi ki gagdak na Yawe gəm gbogboŋ nani!

² Məɗi ki gagdak na iya na Yawe! Məgul lukuɗe salala məvereti məppu' aba Yawe!

³ Wəla Yawe tay əprəm aket iŋkile Maŋgəlva na gagdak ahãyək va buna, Yawe tay əzəm məlĩ aket iŋkile gagdakɗe.

⁴ Wəla Yawe tay əzləndəra də gagdaka, wəla Yawe tay ənneken təkiya.

⁵ Wəla Yawe tay əŋzlet muguguleɗ, Yawe tay ummis muguguleɗ na Liban.

⁶ Tay əpepɗeket mossorgoɗe gugriɗe na Liban va wət wasliya, gəm mossorgo metiŋ na hermon va popoko na təgənə.

⁷ Wəla Yawe tay əpuh hərzləm offo.

⁸ Wəla Yawe tay əkkergən kapta-muyã, Yawe tay əkkergən kapta-muyã na Kades.

⁹ Wəla Yawe tay əkkergit muneŋge hã ndəɗaŋ uwaŋgə; wəlan tay əkkẽh wəleŋɗe ngərəɓə. Addəv gəla nani, naway pak tay ənəh na: «Gagdak nani yi!»

¹⁰ Yawe azəmək məlĩ aka pay na buwən məvekeveke, Yawe asanək məlĩ ka na sete.

¹¹ Yawe wapsit gbogboŋ sit ɗiy nani, Yawe waɗɗa əzaɓ nan aket ɗiy nani!