Gəlyaɗe 28 - Bible en Guidar

Əkkam na ɗəf dədawla əmta aban go'o

1 Səza Davit.

¹ Səza Davit. Yawe, anok nədawya. Milɓe nawa, kəsuk sləmok su ɓa! Vi an kəsokuk ɓatɓat su na, wanəsaw va məpurkoŋ addəv vov kpukpumo.

² Aprəm wəlaw nakkama pay nədawhəm suko, pay nədawslan vaw dəmmba təki addəv gəla noko.

³ Kədakdahaw dit məsdarawɗe may dit məɗɗaŋ zəga ɗar ɓa: məpeleŋ wən na zay sit ɗiyi, mbara a mekret na mbərayni.

⁴ Agəɗ sit va aza əɗɗa neti va aza mbərayən na wəza neti! Apsit va wəza na veti, afaɗ sit aza wəza neti!

⁵ Vi azgaŋ sləma aka an Yawe adaɗɗa ɓa, may aka wəza na van ɓa: Dəzeti, adawsilgit ɓa!

⁶ Soko sən Yawe, vi aprəmək wəlaw nakkama.

⁷ Yawe yi gbogboŋ nawa, baray nawa; akani makraw aziwi, nərahək əbbaha. Makraw wannek diyɗa, wanəfet akan də gəlya nawa.

⁸ Yawe yi gbogboŋ net ɗiy nani, korgu məzukõhgən mesiya nani.

⁹ Akõhgit ɗiy noko, azaɓet ɗiy nawray voko, ateɗe, aslet hã faɗə!