Gəlyaɗe 25 - Bible en Guidar

Arban su əŋgla noko, avvuyon su mambray nawa

1 Səza Davit.

¹ Səza Davit. Yawe, nəkkpaŋgək kəlazoko.

² Maŋgəlva nawa, akok nəzi harawa; kədarbə su wil ɓa! Məzuzelɗe naw adaskanən wəlaw ɓa!

³ Tay səret məzugaŋ səvok dərbə wil ɓa, məmbəɗaŋ ɗiy warbaŋ wili.

⁴ Arbet su tiveɗ noko Yawe; ayagaw əzbet tiveɗ noko.

⁵ Adawgu aka gegesiŋ noko, ayagawa, Vi istə Maŋgəlva məzukõhguwa. Akoki nəɗi əga naw pay pakə.

⁶ Yawe, aɗɗumon ulasahã nok də mbəlembəle nok kərbet far na sete!

⁷ Kəɗɗumon mambray naka gawlaw də wəɓoŋ naw ɓa; aɗɗum akaw də mbəlembəle noko, vi moggok kənani Yawe.

⁸ Yawe moggoni, təstəsi yi. Vini adawyagan sit tive nan sit məs mambrayɗe.

⁹ Tay ədawgit ɗiy dəvoŋgənən kiyit aka an sarara, tay əyagan sit tive nan sit ɗiy dəvoŋgənən kiyti.

¹⁰ Tiveɗ na Yawe pak moggetiŋ gəm gegesiŋgəŋgə, azet ɗiy məzərmanən wənmiyna nani gəm əpel nani.

¹¹ Aka iya noko, Yawe, avvuyet su heslepeɗe naw diyɗaŋka!

¹² An ɗəf tay əgeslne' sən Yawe, nan warban sən tive an adawele.

¹³ Wasan addəv ənneke, dəlvafuŋ wasan ka na zeŋvini.

¹⁴ Yawe tay ərban wən məɗama nan sit məzugeslne'eŋ sənəni, ndən ərban sit wənmiyna nani.

¹⁵ Haraw tay sekke ɗayɗay aka Yawe, Vi tay əprət təlu səka bizwil.

¹⁶ Akkpaŋ kəlazawa, awəl sãha akawa, vi matakərgu nani, əzəmsahã.

¹⁷ Tatwãh naw azlak kiywa; azargu səza əzəmsahã nawa!

¹⁸ Awla əzəmsahã nawa də tatwãh nawa, avvuyet su mambrayɗe naw pakə!

¹⁹ Awle məzuzelɗe naw aŋɗaŋ ɓa, əzel də gagay adawzelewəni.

²⁰ Ataɗwa, apəlwa! Azok nədawɗama, kərbə su wil ɓa!

²¹ Təstəs də əɗɗum sarra dədawguwəni, vi əga naw akoki yi.

²² Aw Maŋgəlva, abit Israyel! Amõh səddivit tatwãhɗe nan pakə!