Gəlyaɗe 24 - Bible en Guidar

Daya tay ətoŋ addəv gəla na Maŋgəlva

1 Gəlyanalva na Davit.

¹ Gəlyanalva na Davit. Dəlvafuŋ də zəga dəknəhã, Təki egge də an nakan pak na Yawe əŋgə.

² Ndəni dəɗi aket peheɗi gəm aziwgən ɓəlɓəl aket məlpeŋge.

³ Naway nawpeŋ aka mossorgo metiŋ na Yawe di? Naway nawziw a təki salala nan di?

⁴ Ɗəf məs van dəzi mbel ɓa, gəm məs makran barə, məza awtoŋgən kiyən addəv mbərayən ɓa, gəm məza asway aka tepelke ɓa.

⁵ Warah wəzaɓ səva Yawe, gəm təstəs səva Maŋgəlva na əkõh nani.

⁶ Aŋki sayit en məzukayanəni, məzukoyokuni: Zev Yakob əŋ! Əziwe

⁷ Maddambeɗe, məɓaygən kiykum! Məkolu, maddambeɗe en farə! Məlĩ gagdak dətoŋgəni.

⁸ Naway yi məlĩ na gagdak di? Yawe yi, gbogboŋ məs makrani, Yawe məs makran aza əlpa.

⁹ Maddambeɗe, məɓaygən kiykum! Məkolu, maddambeɗe en farə! Məlĩ gagdak dətoŋgəni!

¹⁰ Məlĩ na gagdak vanəs na, naway yi di? Yawe Məzuɓappak na, ndəni yi məlĩ na gagdaka. Əziwe