Gəlyaɗe 23 - Bible en Guidar

Yawe yi məzutaɗa nawa

1 Gəlyanalva na Davit.

¹ Gəlyanalva na Davit. Yawe yi məzutaɗa nawa, zəga tay nakkpap su ɓa.

² Tay əvoŋgu aka kevile məgdəkani; tay əku go'o a met iŋkile en sanana,

³ Tay əmbəlgən zeŋgilewa. Tay əku dəka tive moggoni, aka gagdak na iya nani.

⁴ An in tat ədaw addəv guzli titir dayday na, nəgeslne' na sən zəga mbərayən ɓa, vi is tat də iyna; zleŋ nok də mikke nok tay əvayaŋ gbogboŋgo.

⁵ Kəɗiyək hilĩw na way abawa a maheret məzəwakaŋ suwəni. Is tat əppay su mẽl aka kiywa, kəknəh sutək huloŋguk naw tuɓurtuɓuru.

⁶ Ha'aw, moggon də mbəlembəle tahəŋ əzbawən pay ənziya naw egge pakə, ya wanəmsak əzzaw addəv gəla na Yawe, ammba əvoŋ diyɗa.