Gəlyaɗe 21 - Bible en Guidar

Məlĩ tay əɗi əɗɗum nan aka Yawe

¹ Səza daya net məyaŋgəlya. Gəlyanalva na Davit.

² Yawe məlĩ tay ənneken zən ammba gbogboŋ noko: gəm əska wəla an kədapsən tay ənneken zən diyɗa!

³ Kəpsənək an makran aŋgələ, kəɓoŋ aka an man assõh ɓa. Əziwe

⁴ Is tat əddok ələmsən də əzaɓ məza meŋge nan ɓa; kəɗupsənək kulpupu na məlĩ na meleŋge saksakə.

⁵ Zeŋgile attok səvoko, kəpsənək ənziya zek ka faɗə, məza agrak ɓa.

⁶ Gagdak nan asan metiŋgin də əska wəla noki yi; memetiŋ də gagdak kəɗi akani.

⁷ Kəkkpaŋganək ka məs əzaɓ akan hã faɗə, ama horok na, is tat ənneken sən zəni.

⁸ Vi məlĩ aka Yawe azi harani, moggon na Məsəɗəɗə dəziwgən ɓəlɓələ.

⁹ Vok warme məzuzelɗe nok pakə, vok dəzəŋ warme məzuzelokuni.

¹⁰ Wakəzle pay kədarban zuko. Yawe wasɗik də wədagədəva, offo wazəme.

¹¹ Wakəzan uwa net səka dəlvafuŋ gəm mazlãlwẽt sə weleŋgit ɗiyi.

¹² An tahəŋ əɗɗumoŋ nawgəɗ suk mbərayən may ətuvur wəna, tay adawɓap əɗɗaŋ ɓa;

¹³ vi wakərɓeheti, wakuhẽt herɗe nok aketi.

¹⁴ Aziw də gbogboŋ noko, Yawe! Waməyə gəlya də wənnek sən gurom noko!