Gəlyaɗe 2 - Bible en Guidar

Məlĩ məs Maŋgəlva aweli

¹ Vimi ɗiy-ɗar adaɗɗaŋ gogoyo, may ɗiy əhãyaŋ ɗar di?

² Milyẽŋge naka dələv wasilyoŋgu ɗiy gugriɗ tahəŋ əsapən met aka Yawe gəm aka mesiya nani:

³ «Mərsle səm helegeɗ neti, məndol səm sakazlaŋɗe net səzam faraɗa.»

⁴ Məs dəsan a disiŋ wamasə; Yawe wamas aketi.

⁵ Vasna wapel sit də wədagədəva, wageslnegit addivit herɗe nani.

⁶ «Naw nəɗiyək məlĩ naw aka Siyon mossorgo metiŋ salala nawa.»

⁷ Wanərban əsərəkɗe na Yawe: Aɓsu na: «Istə wətuwa; naw, dəpaŋki nəwuko.

⁸ Assohõwa, wanipsuk ɗiy-ɗar ka nawzəmgəla, mammba dələv gboŋ wasan ka noko.

⁹ Wakummis də zleŋge na təbza, va mesteɓe na dələv kədekrepti.»

¹⁰ Ya kakaŋ na milyeŋge, məssoŋ də maɗɗulokum; məpak sləmokum mətawaŋwən naka dəlvafuŋ!

¹¹ Məgəɗ sən wəza sən Yawe də geslne, mənneken zukum də wikkere;

¹² məɗi ki muzliya; vas ɓa wadəgədəva, wakəzaŋ aka tive, sən wən siɗikke wadə gədəva! Ənnek azet ɗiy en dəɗamaŋ azani.