Gəlyaɗe 17 - Bible en Guidar

Kakaŋ in tat əkkamoko

1 Əkkam na Davit.

¹ Əkkam na Davit. Yawe, aprəm əkkam naw an təstəsə, asok geŋŋge ammba əɓuhma nawa; apak sləmok ammba əkkam nawa də metteɓ maw nawlefi ɓa.

² Wətawwən akaw dəgilgən səboko, kəta horok dula a təki təstəs asani!

³ Kəkkesenək makrawa; də dəfəɗ kəkkosoni; kəsluwəka, tay an kərah azaw ɓa. An nəɗɗum dəgil sə maw ɓa.

⁴ Səza an ɗiy aɗɗaŋ pak in tat əzban əpel noko, in ətaɗ zu səza ədaw net məvoŋgoŋ tive.

⁵ Nəziwik ɓəlɓəl aka tive noko, təlu dəkker ɓa.

⁶ Maŋgəlva nawa, nəkkomokko, vi wakəzlan suwa. Apak sləmok kəlazawa, aprəm əpel nawa!

⁷ Arban su moggon noko, is məzutir məzuɗamaŋ aka va dəzəŋ nok səvet məsukoŋ met ɗiyi.

⁸ Agu va mawyãk horoko, aɗamaw a perslekoko,

⁹ səbet məsdarawɗe dəmohõwəni, gəm məzuzelɗe mətemit dədawtakawəni.

¹⁰ Mekret awla sahã ɓa, met tay əpel nawkuwa.

¹¹ Yeŋ əzbawəni; kakaŋ akaraŋgək kiywa, heret sekke akaw vi kazlbu afuŋ.

¹² Tahəŋ va ɓoolu məzəŋgla ərma zəga, va wət ɓoolu dəvoŋ sən zəga narma.

¹³ Yawe asili! Aləm siti, avok meti! Amohũ səvet məsdarawɗeŋ də masalam neti!

¹⁴ Yawe azet sə weleŋgit ɗiy də voko, səret ɗiy gəm səka dəlva, haran net yaŋ addəv ənziyaŋka! An dəpəl suk na, azlər sit əzəmsahã addəvti! Kirtit dəbaŋgəni, dəppaŋgən madambərgən tam sit kirtiti.

¹⁵ Nawa, də təstəs nədawla horoko; əfɗah nawa, wanəbə də ula va kəsoko.