Gəlyaɗe 16 - Bible en Guidar

Ənnek na məs Maŋgəlva akõhgəni

1 Gəlya na Davit.

¹ Gəlya na Davit. Maŋgəlva, aguwa, vi azoki nədawɗama.

² Nənah sənək Yawe na: «Istə Yawe! Istə moggon naw an dayki zəga pakə!»

³ Ɗiy salala naka dəlvəŋki, net na sləmaŋgə ənnek naw pak azeti.

⁴ En dəzbanən maŋgəlva maɓɓani, əray net adawwanəni, tay əgəmnən zit ammbani. Nəzi sit na mbel a matuya kpak ɓa, niya na iya net amaw ɓa.

⁵ Yawe, istə haran nawa, huloŋguk nawa, an naɗɗa akaw avoki yi.

⁶ Haran naw an dəteh akaw na neki, haran naw an nərahəŋka, annekik zu sawɓa.

⁷ In tat əfet aka Yawe, məzəzga' suwa, də dəfəɗ dayday əɗɗum na makraw tay əssak suwa.

⁸ In tat əɗi Yawe ɗayɗay ama harawa, vi tay aka va dəzəŋ nawa, nəkker na ɓa.

⁹ Vini makraw adanneke, megenegenew zernene gəɓa zu tam wasan fendeŋgi.

¹⁰ Vi kəppaw na firik a təki net ɗiy mimtit ɓa, kəppan na, ɗəf nok əŋgəna addəv magamas ɓa.

¹¹ Wakərban su tive na zeŋgile; ənnek metiŋgin tay aboko, aka dəzəŋ nok na, ənneki hã faɗə.