Gəlyaɗe 15 - Bible en Guidar

An Maŋgəlva aŋgəl avet məzuɓe'en sənəni

1 Gəlyanalva na Davit.

¹ Gəlyanalva na Davit. Yawe naway dəslə nawsan addəv gizlirke nok di? Naway nawsan aka mossorgo metiŋ nok salala di?

² Ɗəf məs ədaw nan təstəs-gərakə, məgəɗ an dəslə gəm məpel wən gesiŋ sə makrani.

³ Awpel mbərayən aket ɗiy ɓa, aɗɗa mbərayən sən meggen ɓa, awran meggen ɓa.

⁴ Tay əzel məgəɗ mambraya: tay əɗi kiyit en məgeslne'eŋ sənən Yawe. Adder dirɓe səka an asway akan ɓa, kəta dəsan waki sən tatwãh zlaŋgə.

⁵ Apsit dəmən sit ɗiy dit iŋkile ɓa, may awtaf zəga vi kawzan ɗəf an man bartata ɓa. Məgəɗ vasna, aɓəl na kpak ɓa.