Gəlyaɗe 149 - Bible en Guidar

Miyə gəlya meleketen sən Yawe

¹ Məɗi ki Yawe! Miyə gəlya meleketen sən Yawe; məɗi kiyən də gəlya a təki əkkal net məs dətafaŋgə.

² Ɗiy na Israyel dənnek də məs dəzəməɗe, ɗiy na Siyon dənneken də məlĩ neti.

³ Dəɗinən ki iya nan də wəskəla; dəlvanən də əbay dəgla gəm gaŋgara.

⁴ Vi Yawe tay ənnek dit ɗiy nani; tay əɗi kiyit ɗiy məddekit də wəkõhgiti.

⁵ Məs dətafaŋ dənnekeŋ də wəgagdakani, aket kukurɗe net nafna dayday dəɗɗəlaŋgə,

⁶ dətibirenən Maŋgəlva wəlet kolkolu. Də masalam məs man sula aveti.

⁷ Kampəlkiya aket ɗiy-ɗarə gəm ərbəsit ɗiyi,

⁸ Kaɓruk milyeŋge net dit ngiyamɗe, ɗiy gugriɗ net dit sakazlaŋɗe na təbza,

⁹ kawtawwən an məverin aketi, as gagdak net dətafaŋ nani pakə! Məɗi ki Yawe!