Gəlyaɗe 148 - Bible en Guidar

Gagdak aza Maŋgəlva a disiŋ gəm aka dəlvafuŋ

¹ Məɗi ki Yawe! Məɗi ki Yawe sə disiŋ: məɗi kiyən a təki səɗəɗə;

² Mənokum maslayɗe nani, məɗi kiyən pakgukum; məzəlpaŋ nani, məɗi kiyən pakgukum;

³ Mənokum pay də təla, məɗi kini; məɗi kini, mənokum ŋgərzleɗ nawkasak pakə;

⁴ Məɗi kini mənokum disiŋ net disiŋɗe, mənokum iŋkile məs bal kiyit disiŋɗe.

⁵ Dəɗinən ki iya na Yawe, vi ndən dəɗi wən nani yaŋ azəməɗaŋgə.

⁶ Aziwgitik a gəlet ka faɗə; aɗiyək əsərəkɗe kaggari kiyit ɓa.

⁷ Məɗi ki Yawe səka dəlvafuŋ: zəgeɗ darewit na pehe dit delŋgeɗekɗe pakə,

⁸ offo, ɓeɓrezle, ɓeɓrezlerizze gəm kətəm, vẽŋvil də barkataŋ tay əzbanən əpel nani,

⁹ mossorgoɗe gugriɗe dit mossorgoɗe pakə, wəleŋɗe məzuwaŋ gəm muguguleɗ pakə,

¹⁰ zəgeɗ nawra dit en memeyẽɗi, zəgeɗ mukroketi gəm biŋgeɗi,

¹¹ milyeŋge naka dələv dit ɗiy pakə, ɗiy gugriɗ dit deyeɗe naka dəlvafuŋ,

¹² gewleɗ dit gorɗeŋge ŋgbuɓɓo ŋgbuɓɓo'e, mezzeɗ dit kirin mezeŋgleketi!

¹³ Məɗi ki iya na Yawe, vi iya nan kaka' təɓel təɓeli, mẽmẽtiŋ nan azəmək məlĩ aka dəlvafuŋ də disiŋ.

¹⁴ Asilgənək kiyit ɗiy nani. Məs dətafən pak waɗinən kini, mə Israyelɗe, ɗiy nazan go'o! Məɗi ki Yawe!