Gəlyaɗe 143 - Bible en Guidar

Daya, kətoŋ addəv ətawwən də in ɓa

1 Gəlyanalva na Davit.

¹ Gəlyanalva na Davit. Aprəm wəkkam nawa Yawe, apak sləmok ammba əɓuhma nawa, azlan su də moggon noko, gəm də təstəs noko!

² Kətoŋ addəv ətawwən də balam nok ɓa, vi ɗəf madaran tay təttaka təstəs abok ɓa.

³ Vi məzuzel naw arɓahawəka, aslbuka, andapawka; aɗiywək də gəla ara guzliyo, va ɗiy mimtit na sete.

⁴ Əmpəs naw addakka, Makraw arayka.

⁵ In tat əɗɗumon pay an dətoŋgu, in tat əpelen an kəgəɗ pakə; in tat əɗɗum aka wəza na voko.

⁶ Nətələk vaw azoko; in yakəŋ abok va dəlvafuŋ dit meme. Əziwe

⁷ Yawe, agəm zuk azlan suwa! Əmpəs naw arsləka. Kəɗaman su horok ɓa, vas ɓa na məstaka nədawsaw va en dəpirkeŋ a vovu.

⁸ Aprəman su əɗɗa moggon nok də mompummo ləŋgə, vi akok nədawbay vawa. Arban su tive nədaddawa, vi azok nəbay zuwa.

⁹ Yawe, amohũ səvet məzuzelɗe nawa; azoki nəzaɓ təki nawɗama.

¹⁰ Ayagaw əɗɗa wəŋgla noko, vi istə Maŋgəlva nawa. Əmpəs nok moggoni, dəkugən aka təki məpəlayya!

¹¹ Aka iya noko Yawe, wakəmbəlguwa; də təstəs noki kədawgilgu səddəv tatwãhã;

¹² Də moggon noki kədagrek məzuzelɗe nawa gəm kədawzet məzuseɓɗe naw pakə, vi gawla nok nani.