Gəlyaɗe 141 - Bible en Guidar

A guwa Yawe

1 Gəlyanalva na Davit.

¹ Gəlyanalva na Davit. In tat iyuko Yawe, ade də kakara azawa! Apak sləmok ammba əpel naw pay nədawyuko.

² Wəkkam naw dəsan abok va tursan, vaw an nəsilgəni, agilik va əvəl na moskoyo.

³ Yawe, aga mawa, ataɗ əpel na mawa;

⁴ kədakol makraw aka əɗɗum mbərayən ɓa, ka kawtoŋgu addəv wəza na daraw dit ɗiy məɗɗaŋ mbərayən ɓa: nədawsap dənɗaŋ addəv əzəm way net ɓa.

⁵ Moggoni an ɗəf təstəs arguka, azga' suka! Tay va mẽl məppayən aka kiywa, nəɓoŋ sən na ɓa, ya əkkam naw wasan aka wəza mbərayən net məsdarawɗe əmpa!

⁶ Pay adazgetin mətawaŋwən net aka milɓe na, waprəmnən əpel naw na, neki yi:

⁷ «Va dələv adaɓɗaka, adawkolo, təki nassa net ɗiy mimtit tay əkol mani, kasɗik sleŋsleŋɗe net məsdarawɗe dəssoŋ təraytərayə.»

⁸ Haraw akoki, Daya Yawe, Nəɗamək azoko; kəppaw avet ɓa;

⁹ Agu səma bizwil anslineŋ viwa də mazzaɗ net məɗɗaŋ mbərayni.

¹⁰ Məsdarawɗe dəskotoŋ addəv həmbaw net sapə, naw nəkõhu.