Gəlyaɗe 140 - Bible en Guidar

Wəkkam na ɗəf məzuzəmsãhã

¹ Səza daya net məyaŋgəlya. Gəlyanalva na Davit.

² Yawe, akõhgu səva ɗəf mbərayni, kəgugən səza ɗəf məsgagay,

³ səzet məɗɗumoŋ mbərayən a mekreti, məsilgənən əgay pay pakə.

⁴ Tay ətalyãkanən hərzləmit va na dohõ, tahəŋ də muwən na barway ammba sleyti. Əziwe

⁵ Yawe, agu səva məsdaraw, kəgugən səza ɗəf məsgagay, məs dəŋglaŋ wəskot nawa.

⁶ Məsfərkeɗ aɗamanənək bizwil abawa, anslin suwənək helege dit həmbawɗe ama tive, anslineŋgik mazzaɗ abawa. Əziwe

⁷ Nənah sənək Yawe na: «Istə Maŋgəlva nawa!» Aprəm wəlaw də əkkam nawa Yawe.

⁸ Yawe Daya, gbogboŋ məzukõhguwa, kəɗamanək kiyu pay nalpa.

⁹ Yawe kəpəlsən tive sən əŋgla net məsdarawɗə ɓa, kədappan pepet net ɓa, vi adawɓaygənən kiziti. Əziwe

¹⁰ Kəta mbərayən na met dəkkpaŋ aka kiyiti ndəɗaŋ məs dəkaraŋ kiywa!

¹¹ Kəta slayoffo dəggbo' aketi, dəzlbetin akoffo, adawsilyoŋ səddəv movoro offo ɓa!

¹² Məs man tatrãh asan na aka dələv ɓa; ɗəf məsgagay də məsdaraw, karɓahani, kawzani.

¹³ Nəsənək na, Yawe watawwən na məssãhã, wakə wən ammbet məzurayɗe.

¹⁴ Ha'aw, ɗiy en təstəs waɗiynən ki iya noko ɗiy en məɗɗaŋ zəga də tiven wassoŋ də gəla aboko.