Gəlyaɗe 14 - Bible en Guidar

Ɗiy pak arayaŋka

1 Səza daya net məyaŋgəlya. Gəlya na Davit.

¹ Səza daya net məyaŋgəlya. Gəlya na Davit. Dərwa tay ənah a makran na: «Maŋgəlva tay ɓa!» Arayaŋka, aɗɗaŋgək zəga daryaw; məgəɗ moggon tay ɓa.

² Sə disiŋ Yawe aɓe' aket ɗiyi, kawla na, məs əsən akan tay sa, tay məzukayan Maŋgəlva sa?

³ Dəwənnet amzlahaŋ məstaka, arayaŋka; məgəɗ moggon tay ɓa, təttaka dayday tay ɓa.

⁴ Məɗɗaŋ mbəraynəŋ pak dəsənən ɓa sa? Məzuzimnin ɗiy naw va adawzəmaŋ waya, akkamanən Yawe ɓa!

⁵ Yaŋ geslne ade aketi, vi Maŋgəlva tay a walaŋ sayit ɗiy en təstəsə.

⁶ Mənokum tat əmasaŋ aka an məssahã adaɗɗum naɗɗa, ya hara na Yawe yi təki nawɗam nani.

⁷ Naway dədapsən əska wəla sən Israyel sə Siyon di? Gala Yawe amndeget məfərsəneɗ net ɗiy nani, Yakob wapepɗeki, Israyel wanneken zəni.