Gəlyaɗe 138 - Bible en Guidar

Wanəɗi kiyuk də makraw taka

1 Səza Davit.

¹ Səza Davit. Wanəɗi kiyuk də makraw taka; wanəlvok abet meŋgilveɗi.

² Wanəppu' haraw sek dəka gəla salala noko gəm wanəɗi ki iya nok aka batam moggon nok də gesiŋ noko, vi kəɓaygənək əpel nok day ki iya nok əmpa.

³ Pay niyuko, kəzlansuka, kəsilgin suwək gbogboŋ nawa.

⁴ Yawe, kəta milyeŋge naka dələv pak dəɗiynən kiyko, vi aprəmənək əpel noko.

⁵ Dərbetin tiveɗ na Yawe də gəlya: «Vi gagdak na Yawe metiŋgini!

⁶ Də Yawe asan səɗəɗə pak tay ule ɗiy məɓegənən ki ziti, səka faraɗa dayday asinik məsfərkeɗi.»

⁷ An in tat ətoŋ addəv tatwãhã, is tat əɗɗa ka nəsawgən madarawa. Is tat ətəl vok aket məzuzelɗe məs herɗe net akawa, va dəzəŋ nok əkõhguwa.

⁸ Yawe waɗɗa gərak viwa. Yawe, moggon nok hã faɗi yi! Kəppet wəzeɗe na vok ɓa.